მოცემული დოკუმენტით გაგაცნობთ იმ წესებსა და პირობებს, რომელთა მიხედვითაც შპს „სამედიცინო ცენტრი ციტო“ (ს.ნ.: 204888461, შემდგომში “ციტო”), სამედიცინო/ამბულატორიული მომსახურების გაწევის ფარგლებში, დაამუშავებს პაციენტთა პერსონალურ მონაცემებს.
- „ციტო“ პაციენტის პერსონალურ მონაცემებს ამუშავებს შემდეგი მიზნებისთვის: სამედიცინო/ამბულატორიული მომსახურების გაწევა, პაციენტისა და „ციტოს“ შორის დადებული მომსახურების ხელშეკრულებით ნაკისრი ვალდებულებების შესრულება, „ციტოს“ მიერ საქართველოს კანონმდებლობით გათვალისწინებული ვალდებულებების შესრულება, პაციენტისთვის სხვადასხვა ინფორმაციის მიწოდება და ა.შ.
- „ციტო“ პაციენტის მონაცემებს ამუშავებს პაციენტსა და „ციტოს“ შორის დადებული მომსახურების ხელშეკრულების საფუძველზე, პაციენტის მიერ გაცემული თანხმობის საფუძველზე, ასევე, საქართველოს კანონმდებლობის საფუძველზე.
- „ციტო“ პაციენტის მონაცემებს ამუშავებს საქართველოს ტერიტორიაზე და იმ ვადით, რაც აუცილებელია მათი დამუშავების მიზნების მისაღწევად, მათ შორის და არა მხოლოდ „ციტოსა“ და პაციენტს შორის დადებული მომსახურების ხელშეკრულებით გათვალისწინებული ვალდებულებების შესრულების ვადით, პაციენტის მიერ გაცხადებული თანხმობის მოქმედების ვადით, კანონმდებლობით დაკისრებული ვალდებულებების შესრულების ვადით. რიგ მონაცემებთან მიმართებით დამუშავების ვადები შესაძლოა განსხვავდებოდეს. შესაბამისად, დამატებითი ინფორმაციისთვის, გთხოვთ, მიმართოთ ამ წესებისა და პირობების დასასრულს მითითებულ საკონტაქტო პირს.
- „ციტოს“ მიერ დამუშავებული პაციენტის პერსონალური მონაცემები, გარდა „ციტოს“ პერსონალისა (რომელიც როგორც „ციტოს“ ლაბორატორიების ტერიტორიაზე, ასევე დისტანციურად მართავენ ამბულატორიული მომსახურების პროცესს), შესაძლოა გაზიარდეს/გადაეცეს მესამე პირებს, მათ შორის და არა მხოლოდ, საქართველოს ადმინისტრაციულ ორგანოებს, სასამართლოს, საგამოძიებო ორგანოებს, სადაზღვეო ორგანიზაციებს, სამედიცინო ლაბორატორიებს ან სხვა მესამე პირს, რომელსაც კომპანია შეარჩევს სახელშეკრულებლო ურთიერთობის მიზნებისთვის. მონაცემები გაიცემა თუ ეს მოთხოვნილია/დაშვებულია კანონით ან/და აუცილებელია იმისთვის, რომ პაციენტს გაეწიოს ჯეროვანი მომსახურება.
- „ციტო“ როგორც ტექნიკური, ისე ორგანიზაციული მეთოდების გამოყენებით დაიცავს მონაცემთა უსაფრთხოებას.
- იმ შემთხვევაში, თუ პაციენტი მოითხოვს კვლევის შედეგის ან/და ნებისმიერი სხვა ინფორმაციის „ციტოს“ ინფრასტრუქტურის მიღმა გადაცემას (მაგალითად, სხვა სამედიცინო პერსონალისთვის გადაგზავნას), აღნიშნული მონაცემების უსაფრთხოების საკითხთან მიმართებაში „ციტო“ არ იღებს პასუხისმგებლობას.
- იმ შემთხვევაში, თუ პაციენტის ბიოლოგიური/გენეტიკური მასალა „ციტოში“ მიაქვს მესამე პირს, „ციტო“ არ იღებს პასუხისმგებლობას აღნიშნული მასალის ავთენტურობასა და ვარგისიანობაზე.
- მას შემდეგ, რაც პაციენტის მონაცემების დამუშავების მიზნები მიიღწევა ან/და გავა მათი დამუშავებისთვის დადგენილი ვადა, მონაცემები წაიშლება, განადგურდება, ან შენახული იქნება დეპერსონალიზებული ფორმით (გარდა საქართველოს კანონმდებლობით დადგენილი საგამონაკლისო შემთხვევებისა).
- აღსანიშნავია, რომ რიგ შემთხვევებში, მიუხედავად პაციენტის მიერ გამოხმობილი/გაუქმებული თანხმობისა, ან/და დასრულებული მომსახურების ხელშეკრულებისა, შესაძლოა, კანონმდებლობამ დაავალდებულოს „ციტო“, რომ მან გააგრძელოს პაციენტის მონაცემთა დამუშავება.
- ასევე, გაცნობებთ პაციენტის უფლებების შესახებ.
პაციენტს უფლება აქვს ნებისმიერ დროს:
- მიიღოს ინფორმაცია მის შესახებ დამუშავებული პერსონალური მონაცემების შესახებ;
- მოითხოვოს მისი პერსონალური მონაცემების გასწორება, განახლება, შევსება, დაბლოკვა, წაშლა, განადგურება;
- გააუქმოს გაცემული თანხმობა (გასათვალისწინებელია, რომ მიუხედავად თანხმობის გაუქმებისა, შესაძლოა „ციტო“, საქართველოს კანონმდებლობის თანახმად, ვალდებული იყოს გააგრძელოს პაციენტის მონაცემების დამუშავება);
თუ ჩათვლის, რომ „ციტოში“ დაირღვა მისი უფლებები პესონალურ მონაცემთა დაცვასთან მიმართებით, დასაბუთებულად გაასაჩივროს აღნიშნული, რისთვისაც უნდა მიმართოს „ციტოს“ პერსონალურ მონაცემთა დაცვის ოფიცერს.