სეზონური ალერგია ადრეული გაზაფხულიდან იწყება. ქავილი, სიწითლე, შეშუპება, სუნთქვის გაძნელება, სურდო-ეს სიმპტომების არასრული ჩამონათვალია, რომელიც სეზონურ ალერგიას ახასიათებს.

ალერგია ეს არის სპეციფიკური, გადაჭარბებული მგრძნობელობა ჩვეულებრივ უსაფრთხო ნივთიერებების მიმართ. ამ დროს იმუნური სისტემა შეცდომით, ზოგადად უვნებელ ნივთიერებებს აღიქვამს როგორც ორგანიზმისთვის საშიშს და იწყებს მის წინააღმდეგ ბრძოლას.

ზოგადი რჩევები მშობლებს:

• თუ ბავშვს აქვს ალერგია მტვრის ტკიპაზე მტვრის მოსაცილებლად საუკეთესო გზაა სახლის სველი წესით დალაგება და განიავება, საყოფაცხოვრებო ნივთების, ტანსაცმლის გაწმენდა მტვრის უხილავი ნაწილაკებისგან. რბილი სათამაშოები, ხალიჩა, ფარდები მტვრის „ბუდეა“ ამიტომ ხშირად უნდა გაირეცხოს. ბავშვის საწოლი ოთახი შეძლებისდაგვარად უნდა გათავისუფლდეს ხალიჩების, რბილი ხაოიანი გადასაფარებლებისა, ფარდებისა და წიგნებისაგან.
• ფუტკრის, ან კრაზანის შხამისადმი ალერგიულებმა არ უნდა იარონ ფეხშიშველმა ბალახზე, არ ჩაიცვათ კაშკაშა ფერის, ყვავილებით მოჩითული ტანსაცმელი.
• ცხოველებზე დადასტურებული ალერგიის დროს უმჯობესია გაასხვისონ ისინი.
• ბავშვი უნდა მოარიდონ ზოოპარკში, ცხოველების მაღაზიებში და გამოფენაზე სიარულს, სასურველია, იშვიათად ესტუმრონ იმ ოჯახებს, სადაც ცხოველები ჰყავთ.
• თუ ბავშვს ოდესმე რომელიმე წამალზე ჰქონია რეაქცია, მშობელმა უნდა აცნობოს ექიმს, წამლის განმეორებით დოზაზე შემდგომი ალერგიული რეაქცია პირველზე უფრო ძლიერი და სიცოცხლისათვის საშიშიც კი შეიძლება აღმოჩნდეს!
• მცენარის მტვერზე ალერგიის დროს ბავშვი უნდა მოერიდოს მცენარეებთან კონტაქტს.
• კვებითი ალერგიის დროს ალერგიული საკვები უნდა ამოღებულ იქნას რაციონიდან.

მთავარი რჩევა : -არ უმკურნალოთ ბავშვს თვითნებურად. მიმართეთ ბავშვთა ალერგოლოგ-იმუნოლოგს. ექიმი სწორად შეაფასებს თქვენი შვილის მდგომარეობას და დანიშნავს შესაბამის მკურნალობას.