D ვიტამინი ადამიანის ორგანიზმისათვის უმნიშვნელოვანესი ელემენტია. მისი ძირითადი ნაწილი (80%) სინთეზირდება ადამიანის კანზე ულტრაიისფერი სხივების ზემოქმედებით. დანარჩენი 20 % კი საკვებზე მოდის. ის თავის მხრივ მეორე მნიშვლოვანი კომპონენტის კალციუმის შეწოვას არეგულირებს ნაწლავის მიერ და იქმნება ჩვენი ჯანმრთელობისთვის უმნიშვნელოვანესი ჯაჭვი. D ვიტამინი პასუხისმგებელია ძვლოვანი სისტემის მინერალიზაციაზე. აძლიერებს იმუნიტეტს და გვიმაღლებს განწყობას. კალციუმი კი არა მხოლოდ ძვლების , არამედ კუნთების , მათ შორის გულის კუნთის ნორმალურ ფუნქციონირებას განსაზღვრავს. ადამიანის ორგანიზმისთვის განსაკუთრებით მნიშვნელოვანია D ვიტამინის ორი ფორმა D3 , რომლის წყაროც მზის ულტრაიისფერი სხივების ზემოქმედებაა კანზე და ვიტამინი D 2 , რომელიც ორგანიზმს საკვები პროდუქტებიდან მიეწოდება.

რაზე ახდენს გავლენას D ვიტამინის კონცეტრაციის დონე ?

• ძვალსახსროვანი სისტემის მინერალიზაციაზე, მის სიმყარესა და გამძლეობაზე
• რიგ იმუნურ და ავტოიმუნურ პროცესზე ( მათ შორის ხშირ ავადობაზე)
• კალციუმის, რკინის და ფოსფატის შეწოვაზე
• თმის, ფრჩხილის , კანის სიჯანსაღეზე

რა შეიძლება გამოიწვიოს ორგანიზმში D ვიტამინის ნაკლებობამ?

• წონის დარღვევები (ჭარბწონიანობა)
• ძვლოვანი სისტემის სიმყიფე და მიდრეკილება მოტეხილობისადმი
• ნერვული სისტემის დაავადებები
• დეპრესია
• ხშირი ავადობა

განსაკუთრებით ყურადსაღებია აღნიშნული ვიტამინის დეფიციტი მცირეწლოვანებში. რადგან ამან შეიძლება გამოიწვიოს ზრდაში ჩამორჩენა, ძვლოვანი სისტემის „სირბილე“ და რაქიტი.

რა არის მნიშვნელოვანი?

• სისხლში D ვიტამინის დონის პერიოდული კონტროლი
• აქტიური ცხოვრების წესი
• ნახევარ საათიანი მზის აბაზანები თბილ სეზონზე
• ვიტამინებით მდიდარი რაციონი