ღვიძლი ადამიანის შინაგან ორგანოებს შორის ყველაზე დიდია. ღვიძლი ჩვენს სისხლს დღე-ღამეში 400 ჯერ წმედს და წუთში 20 მილიონამდე ქიმიური რეაქცია მიმდინარეობს მასში. ღვიძლი ადამიანის სხეულში არაერთ ფიზიოლოგიურ პროცესში მონაწილეობს და უამრავ სასიცოცხლო ფუნქციასთანაა დაკავშირებული: ორგანიზმის დეტოქსიკაცია, მეტაბოლური პროცესები, ფერმენტების, ცილების, ვიტამინების წარმოქმნა.

ღვიძლის ძირითადი ფუნქციებია: • საკვები ნივთიერებების შენახვა / დაგროვება და საჭიროების შემთხვევაში გამოყენება; • ორგანიზმში მოხვედრილი ტოქსინების, მედიკამენტების თუ ალკოჰოლის გამოყოფა; • ორგანიზმის ენერგიით მომარაგება; • იმუნიტეტის სრულყოფილი ფუნქციონირებიათვის საჭირო ცილებისა და ვიტამინების სინთეზი; • სისხლის წთელი უჯრედების დაშლა და ჰორმონების გამომუშავება; • დახმარება საჭმლის მონელებაში.

ყოველდღიურად ღვიძლი სერიოზულ დატვირთვას უძლებს: ვსუნთქავთ დაბინძურებულ ჰაერს, ვიღებთ სავებს, რომელიც კონსერვანტებით თუ სხვა ქიმიური დანამატებითაა სავსე, ვიღებთ სხვადასხვა მედიკამენტს, ალკოჰოლს, ვეწევით სიგარეტს... ყველა ამ შედეგთან გამკლავება კი ღვიძლს უწევს.

ღვიძლის დაავადების გამომწვევი ძირითადი ფაქტორებია:ცხოვრების არაჯანსაღი წესი, ზედმეტი ალკოჰოლის მიღება, რიგ შემთხვევაში ვირუსული ინფექცია.

ღვიძლის დაავადებათა თავიდან ასაცილებლად საჭიროა: • ფიზიკური აქტივობა • ცხოვრების ჯანსაღი წესი • ვიტამინებით მდიდარი რაციონი • ალკოჰოლზე უარის თქმა • პრევენციული შემოწმება

თანამედროვე მედიცინას უკვე შეუძლია დაავადება განკურნოს ან შეაჩეროს მაინც, მნიშვნელოვანია მისი დრულად აღმოჩენა. ღვიძლი იმ ორგანობს შორისაა, რომელთა დაავადებაც შეუმჩნევლად, სიმპტომების გარეშე მიმდინარეობს, ამიტომ პერიოდული შემოწმება მნიშვნელოვანია.