ჰემოგლობინი ცილაა, რომელიც სისხლის წითელი უჯრედების - ერითროციტების შემადგენლობაში შედის. თავად ჰემოგლობინი შეიცავს რკინას, რომელიც ჟანგბადის მოლეკულებს იკავშირებს და ფილტვებიდან მთელ სხეულში ანაწილებს.სწორედ ესაა ჰემოგლობინის ძირითადი ფუნქცია.

ჰემოგლობინი უჯრედებს შორის ჟანგბადისა და ნახშირორჟანგის მიმოცვლას უზრუნველყოფს. შესაბამისად მისი ნორმალური დონე ორგანიზმში ჯანმრთელობის აუცილებელი წინაპირობაა.

ჰემოგლობინის დონის განსასაზღვრად სისხლის საერთო ანალიზი კეთდება და მისი გადამოწმება წელიწადში ორჯერ არის რეკომენდებული .

ჰემოგლობინის დონის ნორმალიზებას ხელს უშლის შემდეგი ფაქტორები:

• სტრესი
• მოწევა
• არასრულფასოვანი კვება
• კოფეინით მდიდარი საკვების დიდი რაოდენობით მიღება
• ძილის მოუწესრიგებელი რეჟიმი
• სხვადასხვა პათოლოგიური დაავადება