საშოს სოკოვანი ინფექცია ( კანდიდოზი) სასქესო ორგანოების ყველაზე გავრცელებული სოკოვანი დაავადებაა.

გენიტალური სოკოვანი დაავადების შესახებ ბევრი მითი არსებობს: მითი #1 - გენიტალური სოკოვანი ინფექცია მხოლოდ ქალებს ემართებათ რეალობა: კანდიდა ( სოკოს სახეობა, რომელიც ყველაზე ხშირად იწვევს ინფექციურ დაავადებას) ნებისმიერი ადამიანის ორგანიზმშია (ქალი, კაცი, ბავშვი) .

მითი #2- გენიტალური სოკოვანი ინფექცია გადადის წყლით ( ზღვაში, აუზში) რეალობა: ნესტიანი, სველი , დახუთული გარემო პირობები ხელშემწყობია სოკოს გამრავლებისთვის . თუმცა რეალურად მისი გადადება / გავრცელება აუზში ან ზღვაში არ ხდება.

მითი #3 - სოკოვანი ინფექცია აუცილებლად გამოხატულია ქავილით რეალობა : მამაკაცებსა და ქალებში ინფექციას სხვადასხვა გამოვლენა აქვს. ქალების შემთხვევაში ხაჭოსებრი , თეთრი გამონადენი აუცილებელი პირობაა. მამაკაცების შემთხვევაში კი სასქესო ორგანოს შეწითლება, გამონაყარი და შესაძლოა ტკივილიც კი.

მითი #4 - ყველაფერი დამოკიდებულია ჰიგიენაზე რეალობა: რეკომენდაციების რიცხვშია : სველი საცურაო კოსტუმის/ თეთრეულის დროული გამოცვლა, ფიზიკური დატვირთვის შემდგომ გადავლება , ჰიგიენური ტამპონისა და საფენის ხშირი ცვლა, ნატურალური ქსოვილის საცვლების ტარება. თუმცა ყველაფერი მხოლოდ ჰიგიენის დაცვაზე არ არის.

მითი #5- ვაგინალური სოკოსგან გათავისუფლება შესაძლებელია თვითმკურნალობით რეალობა: აუცილებელია პირველ რიგში გინეკოლოგთან ვიზიტი, რათა ექიმმა სწორად განსაზღვროს დაავადება, დანიშნოს შესაბამისი ინსტრუმენტული და ლაბორატორიული კვლევები. რის შემდგომაც ჩატარდება შესაბამისი მკურნალობა..