საშვილოსნოსშიდა კონტრაცეფციის საშუალების მარტივი ამოღება წარმოადგენს უსაფრთხო სამედიცინო პროცედურას, რომელიც გულისხმობს მის ამოღებას მოქმედების ვადის ამოწურვის, გვერდითი ეფექტების, ორსულობის დაგეგმვის ან სხვა სამედიცინო მიზეზის გამო.

პროცედურა ტარდება გინეკოლოგის მიერ ამბულატორიულ პირობებში და, როგორც წესი, რამდენიმე წუთს გრძელდება. ის მარტივი და ნაკლებად მტკივნეულია - ექიმი იყენებს სპეკულუმს საშვილოსნოს ყელის დასათვალიერებლად და შემდეგ სპეციალური სამედიცინო ინსტრუმენტით იჭერს მოწყობილობაზე არსებული ძაფს, რომელიც ვაგინალური არხიდან ჩანს და ნაზად გამოაქვს მოწყობილობა.

ამოღების პროცესს შეიძლება ახლდეს მსუბუქი დისკომფორტი ან მცირე სპაზმები, მაგრამ ტკივილი იშვიათად აღინიშნება და უმეტეს შემთხვევაში, ანესთეზია საჭირო არ არის.

ამოღების შემდეგ, პაციენტი დაუყოვნებლივ უბრუნდება ყოველდღიურ აქტივობებს და საჭიროების შემთხვევაში, იმავე ვიზიტის დროს, შესაძლებელია ახალი საშვილოსნოსშიდა მოწყობილობის ჩადგმა.

მთლიანობაში, ეს პროცედურა ითვლება უსაფრთხო, სწრაფ და მარტივ ჩარევად, რომელსაც იშვიათად ახლავს გართულებები და არ საჭიროებს ჰოსპიტალიზაციას.