ბოლო განახლება: 18/11/2025

მოცემული დოკუმენტით გაგაცნობთ იმ წესებსა და პირობებს, რომლის მიხედვითაც შპს „სამედიცინო ცენტრი ციტო“ (ს/ნ: 204888461, შემდგომში „ციტო“) დაამუშავებს სასწავლო კურსზე/კონფერენციაზე რეგისტრირებული პირის პერსონალურ მონაცემებს.

1. მონაცემთა დამუშავების მიზნები

„ციტო“ კურსზე/კონფერენციაზე რეგისტრირებული პირის მონაცემებს ამუშავებს შემდეგი მიზნებით:

• კანდიდატის შერჩევა და მასთან კომუნიკაცია;
• სასწავლო კურსზე/კონფერენციაზე რეგისტრაცია;
• სასწავლო ხელშეკრულების გაფორმება და შემდგომი ადმინისტრირება;
• კურსის/კონფერენციის მიმდინარეობისას კომუნიკაცია და ორგანიზაციული საკითხების მართვა;
• „ციტოს“ მიერ საქართველოს კანონმდებლობით გათვალისწინებული ვალდებულებების შესრულება.

წინამდებარე წესები და პირობები ვრცელდება როგორც კანდიდატებზე, რომლებიც გაივლიან პირველად რეგისტრაციას „ციტო“ ვებ-გვერდზე, ასევე იმ პირებზე, რომელთა მონაცემებიც „ციტოს“ გადაეცემა სხვა ონლაინ პლატფორმების (მაგალითად, განათლების მართვის საინფორმაციო სისტემა) მეშვეობით.

---

2. მონაცემთა დამუშავების სამართლებრივი საფუძვლები

„ციტო“ კურსზე/კონფერენციაზე რეგისტრირებული პირის მონაცემებს ამუშავებს მის მიერ მოწოდებული ინფორმაციის, გაცემული თანხმობის, ხელშეკრულებისა და საქართველოს კანონმდებლობის საფუძველზე.

---

3. მონაცემთა შენახვის ვადები

„ციტო“ კურსზე/კონფერენციაზე რეგისტრირებული პირის მონაცემებს ამუშავებს იმ ვადით, რაც აუცილებელია მათი დამუშავების მიზნების მისაღწევად - გაცემული თანხმობის მოქმედების ვადით ან/და კანონმდებლობით დადგენილი ვალდებულებების შესრულებისთვის აუცილებელი ვადით.

---

4. მონაცემთა დამუშავების ადგილი

„ციტო“ კურსზე/კონფერენციაზე რეგისტრირებული პირის მონაცემებს ამუშავებს საქართველოს და ევროკავშირის ტერიტორიაზე - „ციტოს“ ვებ-გვერდისა და რეგისტრაციის პლატფორმის ჰოსტინგი განთავსებულია გერმანიის ტერიტორიაზე.

გერმანია წარმოადგენს იმ იურისდიქციას, რომელიც შედის პერსონალურ მონაცემთა დაცვის სათანადო გარანტიების მქონე ქვეყნების ნუსხაში (პერსონალურ მონაცემთა დაცვის სამსახურის უფროსის ბრძანება №23).

იმ შემთხვევაში, თუ მონაცემთა გადაცემა მოხდება საქართველოს ფარგლებს გარეთ ისეთ იურისდიქციაში, რომელიც, საქართველოს კანონმდებლობით, არ წამოადგენს ე.წ. „თეთრი სიის“ (White list) ქვეყანას, მონაცემთა დაცვის გარანტიებს „ციტო“ უზრუნველყოფს.

---

5. მონაცემთა უსაფრთხოება

„ციტო“, როგორც ტექნიკური, ასევე ორგანიზაციული მეთოდების გამოყენებით, დაიცავს მონაცემთა უსაფრთხოებას (მაგალითად, ისეთი ფორმით, როგორიცაა წვდომის უფლებების განსაზღვრა, დაშვებების შეზღუდვა, გადაცემის არხების დაცვა, ქსელის სეგმენტაცია და სხვა).

---

6. მონაცემების გადაცემა/გაზიარება მესამე პირებზე

„ციტოს“ მიერ სასწავლო კურსზე/კონფერენციაზე რეგისტრირებული პირის შესახებ დამუშავებული მონაცემები, გარდა „ციტოს“ პერსონალისა, შესაძლოა, გაზიარდეს/გადაეცეს მესამე პირებს, მათ შორის და არა მხოლოდ:

• საქართველოს ადმინისტრაციულ ორგანოებს;
• სასამართლოს;
• საგამოძიებო ორგანოებს;
• ან/და სხვა მესამე პირებს, რომელთა ჩართულობაც საჭირო ხდება საკანონმდებლო მოთხოვნების შესასრულებლად ან „ციტოს“ მიერ დამუშავებული მონაცემების სამართლებრივი ან სახელშეკრულებლო მიზნებისთვის.

---

7. მონაცემთა წაშლა/განადგურება

მას შემდეგ, რაც სასწავლო კურსზე/კონფერენციაზე რეგისტრირებული პირის მონაცემების დამუშავების მიზნები მიიღწევა ან/და ამოიწურება მათი დამუშავებისთვის დადგენილი ვადა, მონაცემები წაიშლება, განადგურდება ან შეინახება დეპერსონალიზებული ფორმით (გარდა საქართველოს კანონმდებლობით დადგენილი საგამონაკლისო შემთხვევებისა).

გაცნობებთ, რომ რიგ შემთხვევებში, მიუხედავად სასწავლო კურსზე/კონფერენციაზე რეგისტრირებული პირის მიერ გამოხმობილი/გაუქმებული თანხმობისა, შესაძლოა, კანონმდებლობამ დაავალდებულოს „ციტო“, რომ მან გააგრძელოს მონაცემთა დამუშავება.

---

8. ფოტო/ვიდეო გადაღების შესახებ ინფორმირება

რეგისტრირებულმა პირმა უნდა გაითვალისწინოს, რომ სასწავლო კურსზე/კონფერენციაზე შესაძლოა მიმდინარეობდეს ფოტო/ვიდეო გადაღება:

• აღნიშნული მასალა შეიძლება გამოყენებულ იქნას „ციტოს“ ოფიციალურ ვებ-გვერდზე, სოციალურ ქსელებში ან/და სხვა საკომუნიკაციო არხებზე;
• გადაღებული მასალა გამოყენებული იქნება მხოლოდ კომპანიის საქმიანობასთან დაკავშირებული კომუნიკაციისთვის;
• კომპანიას არ ეკისრება ვალდებულება, წინასწარ შეატყობინოს აღნიშნული მასალის გამოქვეყნების შესახებ;
• აღნიშნული თანხმობა ძალაშია განუსაზღვრელი ვადით, თუ პირი არ გამოთქვამს წერილობით სურვილს მისი გაუქმების შესახებ;
• კომპანია ვალდებულია დაიცვას მონაცემთა კონფიდენციალურობა და არ გამოიყენოს მასალა უკანონო ან პირის რეპუტაციისთვის ზიანის მიყენების მიზნით.

იმ შემთხვევაში, თუ რეგისტრირებულ პირს არ სურს ფოტო/ვიდეო გადაღება ან გამოყენება, სასწავლო კურსის/კონფერენციის დაწყებამდე, იგი ვალდებულია წერილობით მიმართოს „ციტოს“ პერსონალურ მონაცემთა დაცვის ოფიცერს.

---

9. სასწავლო კურსზე/კონფერენციაზე რეგისტრირებული პირის უფლებები

სასწავლო კურსზე/კონფერენციაზე რეგისტრირებულ პირს შეუძლია ნებისმიერ დროს:

• მიიღოს ინფორმაცია მის შესახებ დამუშავებული პერსონალური მონაცემების შესახებ;

• მოითხოვოს მისი პერსონალური მონაცემების გასწორება, განახლება, შევსება, დაბლოკვა, წაშლა, განადგურება;

• გააუქმოს/გამოითხოვოს თანხმობა მისი მონაცემების დამუშავების შესახებ (გასათვალისწინებელია, რომ მიუხედავად თანხმობის გაუქმებისა, შესაძლოა, „ციტო“, საქართველოს კანონმდებლობის თანახმად, ვალდებული იყოს გააგრძელოს მონაცემთა დამუშავება);

• თუ ჩათვლის, რომ „ციტოში“ დაირღვა მისი უფლებები პერსონალურ მონაცემთა დაცვის საკითხში, დასაბუთებულად გაასაჩივროს აღნიშნული, რისთვისაც უნდა მიმართოს „ციტოს“ პერსონალურ მონაცემთა დაცვის ოფიცერს მარი ჯამაგიძეს:

  • წერილობით: იურიდიულ მისამართზე - ზ. ფალიაშვილის ქ. #40, 0179 თბილისი, საქართველო
  • წერილობით: „ციტოს“ ნებისმიერ ფილიალში
  • ელ. ფოსტით: პერსონალურ მონაცემთა დაცვის ოფიცრის ელექტრონულ მისამართზე - pdpo@cito.ge
  • ტელეფონის საშუალებით: ოფიცრის საკონტაქტო ნომერზე (+995) 551 173 939

სამუშაო დრო: ორშაბათი - პარასკევი 09:00 - 18:00

გთხოვთ, განცხადებაში დააფიქსიროთ:

• სახელი/გვარი;
• საკონტაქტო ინფორმაცია (ტელეფონი, ელ. ფოსტა);
• მომართვის მიზეზი;
• ნათლად ჩამოყალიბებული მოთხოვნის შინაარსი.