დასაქმების კანდიდატის პერსონალურ მონაცემთა დამუშავების წესები და პირობები
ბოლო განახლება: 3 თვის წინ
ბოლო განახლება: 18/11/2025
მოცემული დოკუმენტით გაგაცნობთ იმ წესებსა და პირობებს, რომლის მიხედვითაც შპს „სამედიცინო ცენტრი ციტო“ (ს/ნ: 204888461, შემდგომში „ციტო“) დაამუშავებს დასაქმების კანდიდატთა პერსონალურ მონაცემებს.
1. მონაცემთა დამუშავების მიზნები
„ციტო“ ამუშავებს დასაქმების კანდიდატთა მონაცემებს შემდეგი მიზნებისთვის:
- დასაქმების კანდიდატთა შერჩევა, რეკრუტირება, დასაქმება;
- კანდიდატებთან კომუნიკაცია;
- „ციტოს“ მიერ საქართველოს კანონმდებლობით გათვალისწინებული ვალდებულებების შესრულება.
წინამდებარე წესები და პირობები ვრცელდება როგორც კანდიდატებზე, რომლებიც „ციტოს“ უშუალოდ წარუდგენენ განაცხადს, ასევე იმ პირებზე, ვისი მონაცემებიც „ციტოს“ მიეწოდება დასაქმების სააგენტოების (მესამე პირების) მეშვეობით.
2. მონაცემთა დამუშავების სამართლებრივი საფუძვლები
„ციტო“ დასაქმების კანდიდატის მონაცემებს ამუშავებს:
- დასაქმების კანდიდატისგან მოპოვებული წერილობითი თანხმობის საფუძველზე;
- საქართველოს კანონმდებლობის საფუძველზე.
3. მონაცემთა შენახვის ვადები
„ციტო“ დასაქმების კანდიდატის მონაცემებს ამუშავებს იმ ვადით, რაც აუცილებელია მათი დამუშავების მიზნების მისაღწევად - დასაქმების კანდიდატის მიერ გაცემული თანხმობის მოქმედების ვადით ან/და კანონმდებლობით დადგენილი ვალდებულებების შესრულებისთვის აუცილებელი ვადით.
4. მონაცემთა უსაფრთხოება
„ციტო“, როგორც ტექნიკური, ასევე ორგანიზაციული მეთოდების გამოყენებით, დაიცავს მონაცემთა უსაფრთხოებას (მაგალითად, ისეთი ფორმით, როგორიცაა წვდომის უფლებების განსაზღვრა, დაშვებების შეზღუდვა, ფსევდონიმიზაცია).
5. მონაცემების გადაცემა/გაზიარება მესამე პირებზე
„ციტოს“ მიერ დამუშავებული მონაცემები დასაქმების კანდიდატის შესახებ, გარდა „ციტოს“ პერსონალისა, შესაძლებელია გაზიარდეს/გადაეცეს მესამე პირებს, მათ შორის და არა მხოლოდ:
- საქართველოს ადმინისტრაციულ ორგანოებს;
- სასამართლოს;
- საგამოძიებო ორგანოებს;
- ან/და სხვა მესამე პირებს, რომელთა ჩართულობაც საჭირო ხდება საკანონმდებლო მოთხოვნების შესასრულებლად ან „ციტოს“ მიერ დამუშავებული მონაცემების სამართლებრივი ან სახელშეკრულებო მიზნებისთვის.
6. მონაცემთა დამუშავების ადგილი
„ციტო“ დასაქმების კანდიდატის მონაცემებს ამუშავებს საქართველოს და ევროკავშირის ტერიტორიაზე - „ციტოს“ ვებ-გვერდისა და რეგისტრაციის პლატფორმის ჰოსტინგი განთავსებულია გერმანიის ტერიტორიაზე.
გერმანია წარმოადგენს იმ იურისდიქციას, რომელიც შედის პერსონალურ მონაცემთა დაცვის სათანადო გარანტიების მქონე ქვეყნების ნუსხაში (პერსონალურ მონაცემთა დაცვის სამსახურის უფროსის ბრძანება №23).
იმ შემთხვევაში, თუ მონაცემთა გადაცემა მოხდება საქართველოს ფარგლებს გარეთ ისეთ იურისდიქციაში, რომელიც, საქართველოს კანონმდებლობით, არ წამოადგენს ე.წ. „თეთრი სიის“ (White list) ქვეყანას, მონაცემთა დაცვის გარანტიებს „ციტო“ უზრუნველყოფს.
7. მონაცემთა წაშლა/განადგურება
მას შემდეგ, რაც დასაქმების კანდიდატის მონაცემების დამუშავების მიზნები მიიღწევა ან/და ამოიწურება მათი დამუშავებისთვის დადგენილი ვადა, მონაცემები წაიშლება, განადგურდება ან შეინახება დეპერსონალიზებული ფორმით, გარდა საქართველოს კანონმდებლობით დადგენილი საგამონაკლისო შემთხვევებისა.
გაცნობებთ, რომ რიგ შემთხვევებში, მიუხედავად დასაქმების კანდიდატის მიერ გამოხმობილი/გაუქმებული თანხმობისა, შესაძლოა, კანონმდებლობამ დაავალდებულოს „ციტო“, რომ მან გააგრძელოს მონაცემთა დამუშავება.
8. დასაქმების კანდიდატის უფლებები
ქვემოთ მოცემულია ინფორმაცია დასაქმების კანდიდატის უფლებების შესახებ.
დასაქმების კანდიდატს უფლება აქვს ნებისმიერ დროს:
-
მიიღოს ინფორმაცია მის შესახებ დამუშავებულ პერსონალურ მონაცემთა თაობაზე;
-
მოითხოვოს მისი პერსონალური მონაცემების გასწორება, განახლება, შევსება, დაბლოკვა, წაშლა, განადგურება;
-
გააუქმოს/გამოითხოვოს გაცემული თანხმობა;
-
თუ ჩათვლის, რომ „ციტოში“ დაირღვა მისი უფლებები პერსონალურ მონაცემთა დაცვის საკითხში, დასაბუთებულად გაასაჩივროს აღნიშნული, რისთვისაც უნდა მიმართოს „ციტოს“ პერსონალურ მონაცემთა დაცვის ოფიცერს მარი ჯამაგიძეს:
- წერილობით: იურიდიულ მისამართზე - ზ. ფალიაშვილის ქ. #40, 0179 თბილისი, საქართველო
- წერილობით: „ციტოს“ ნებისმიერ ფილიალში
- ელ. ფოსტით: პერსონალურ მონაცემთა დაცვის ოფიცრის ელექტრონულ მისამართზე - pdpo@cito.ge
- ტელეფონის საშუალებით: ოფიცრის საკონტაქტო ნომერზე (+995) 551 173 939
სამუშაო დრო: ორშაბათი - პარასკევი 09:00 - 18:00
გთხოვთ, განცხადებაში დააფიქსიროთ:
- სახელი/გვარი;
- საკონტაქტო ინფორმაცია (ტელეფონი, ელ. ფოსტა);
- მომართვის მიზეზი;
- ნათლად ჩამოყალიბებული მოთხოვნის შინაარსი.